Ekitaldiek

ekitaldiak, zeanuri. areatza, artea, ubidea, dima, orozko, zeberio

Andra Mari Eleizondo Zeanuri

Andra Mari festak 2012

Ondo Pasau

Errotan ibilialdia

Erroten ibilialdie

Eroten ibilialdie

Gorbeiatur ekitaldiek

Gorbeia, Aginaldeko agina 800 urtetik gorakoa

No hay publicaciones.

Inicio

Suscribirse a: Entradas (Atom)

Txistulariek

Adar jotzen

Txalaparta jotzen

Vistas de página en total

Jendea

Ekitaldiaren asiera

Egurra

Egurragaz bete ondoren kareharria botatzen jako

Harria

Sua bistuda

Seguidores

Non lo egin ?

Eleizondo Landetxea.

Eventos

Eventos http://gorbeiatur.blogspot.com/

Datos personales

casa rural eleizondo

Ver todo mi perfil

XXIV ermiten martxa martxa Zeanurin

2011ko ermiten martxa XXIV

ZEANURIKO ERMITEN XXIV. MENDIKO MARTXA

Irailaren 11an, igandean, burutuko da Zeanuriko Ermiten Mendi Martxa. Aurtengoarekin hogeita hirugarren urtea beteko du 1988an jaio zen eta klasiko bihurtu den oinezko martxa honek. Orduan antolatu zuen lehen aldiz Joko Alai Elkarteko mendi sailak eta ordutik hona hutsik egin gabe eutsi diote zeanuritarrek urteroko zitari.

Helburuak hasierako berberak dira: igande goiza naturarekin harremanetan eta kirola eginez igarotzea, eta herritarrei zein kanpotarrei Zeanuriko (Bizkaia) inguru zabalak eta ondare kulturala ezagutzera ematea. Ez dira gutxi, izan ere, herri honetan sakabanaturik dauden ermita edota elizak, guztira hogei.

Irteera herriko frontoian izango da, goizeko 07:30etan, eta ibilbide osoa egiten dutenek hogeita hamabost bat kilometro beteko dituzte eta hemeretzi ermita edota eliza bisitatuko dituzte, aurten ere Egiriñako (Gorbeia) Edurretako Amarena kanpo geratuko baita. Ibilbide osoa egin nahi ez dutenentzat, beste bi, 13 eta 23 kilometrokoak, prestatu dituzte antolatzaileek. Ertaina, Palomaresetik helmugara joateko aukera ematen duena eta laburra, San Juanetik helmugara.

MARTXA BURUZKO XEHETASUNAK

* Izena ematea:

- 7 € - Irailak 7a baino lehen, sartu bbk-ko kontu honetan : 2095 0335 29 3830586275.

- 10 € - Egun berean 06:45etik aurrera, herriko plazan.

- 3 € - Joko-Alaiko bazkideak.

- Doan - 14 urtetik beherakoak.

* Irteera: 07:30etan, herriko frontoian.

* Osasun-zaintza, jan-edan eta kontrol puntuak egongo dira ibilbidean zehar.

* Helmugako kontrola 11:00etatik 15:00etara zabalik egongo da.

* Eguerdiko 13:30etan, zozketa bat egingo da partaideen artean.

* Amaieran opari bat emango da.

* Herriko frontoain dutxak zabalik egongo dira. izango da.

INFORMAZIOA : Jon Goikoetxea 619.015.322 Aitor Intxaurraga 688.670.168

Arteako Jaiak 2011

Arteako jaiak 2011

Abuztua 2011 Ekitaldiak

SAN JUSTOKO KAROBIA BERRIRO KETAN

Abuztuaren 6an, larunbatean, goizeko 11:00etan piztuko dute karobia

Karobien ke zurixka XX. mendearen erdirantz itzali zen. Dena den, duela hamasei urte Gorbeia mendiaren magalean kokaturik dagoen San Justoko karobia berreskuratu eta karea antzinako erara egin zuen Ipizki Taldeak. Ordutik, abuztuko lehenengo asteburua karegintzaren gune bihurtu da Zeanuriko (Bizkaia) Otzerinmendi auzunea. Aurten ere, abuztuaren 6an eta 7an kareharria, egurra eta sua bilduko dituen labea ketan ikusteko aukera izango dute bertara hurbiltzen direnek.

Abuztuaren 6an eta 7an Zeanuriko (Bizkaia) Otzerinmendi auzuneko San Justo baseliza ingurura hurbiltzen direnek jadanik desagerturik dagoen karegintzaren gorabeherak ezagutzeko aukera izango dute Ipizki Taldearen, eta Juan eta Julian Arana anaien eskutik.

Abuztuaren 6an, larunbatean, goizeko 11:00etan piztuko dute karobia, eta urteetan zehar ahaztuta eta itzalita egon den ke zurixka San Justoko haritzen artean igoko da Gorbeia mendiaren tontorra bilatu nahian. Igande eguerdirantz, kare bizia oka egiten hasiko da labe-ahoa.

1950ean azkenengoz

Duela hamasei urte jarri zuten martxan 1950etik bertan behera utzita eta hondatuta zegoen karobi hau. Horretarako, urte hartan eta toki berean azkenengoz karea egin zuten Juan eta Julian Aranarekin harremanetan jarri ziren Ipizkikoak, eta beraien zuzendaritzapean konponketa eta zaharberritze lanei ekin behar izan zieten bi hilabetetan zehar, kare labea ketan jarri aurretik.

Otzerinmendi auzuneko Goikuria eta Arana familiak, Kandido eta Felix Goikuria anaiak alde batetik eta Juan eta Julian Arana bestetik, izan ziren 1950ean toki horretan azken aldiz lan egin zutenak. Juan eta Felix labea zaintzeaz eta karea egiteaz arduratzen ziren bitartean, Julian eta Kandidok, idipare batez baliatuz, Atxebeiko beheko errekatik —San Justo goiko aldean— kareharria, eta Azkarralde eta Igertubarri basoetatik egurra ekartzen zuten. Soroetan ongarri moduan erabili ziren 2.000 kintal —100.000 kilo— kare ekoiztu zituzten guztira.

Karobi frantsesa

San Justokoa karobi frantsesa deritzona da, hau da, kontraterrenoa aprobetxatuz eraikitakoa. Pixkanaka-pixkanaka estutzen doan zulo bat da, 4 metroko sakontasuna duena, eta 150 zentimetroko zabalera goiko aldean eta 40koa behekoan.

Kare labe frantsesek era honetan egiten dute lan: erregai funtzioa jokatzen duen egurrez betetzen dira, gero, gainean, kareharri kapa bat jartzen da eta sua ematen zaie. Harria errez kare bihurtzen da eta karea egin ahala, egurrez eta kareharriz kargatzen da karobia. Lan horrek hainbat lagunen beharra eskatzen zuen, horregatik hiruzpalau etxe elkartuz edo auzolanean egiten zen.

Karearen erabilerak

Jadanik Antzinaroko zibilizazioek erabiltzen zuten karea, adibidez egiptiarrek gorpuak baltsamatzeko erabiltzen zuten. Euskal Herrian, erromatarren garaian eraikuntzan erabiltzen bazen ere, XVII. mendetik aurrera, nekazaritzan erabiltzen hasi zirenean, erabat zabaldu zen.

Baina zertarako egiten zen karea? Hainbat zereginetarako: eraikuntzan, lurraz eta uraz nahastuz etxe-paretak eta mota guztietako hormak eraikitzeko morteroa lortzen zen, eta uraz bakarrik nahastuz, baserrietako hormak zuritzeko letxera. Nekazaritzan, soroetako ongarri bezala eta koko edo harren kontra erabiltzen zen. Abeltzaintzan, korten desinfekziorako eta ganaduen apatxetako gaixotasunak sendatzeko. Larrugintza industrian, animalien larruari haragia kentzeko erabiltzen zen. Medikuntzan, amigdalitisa, faringitisa eta azaleko gaixotasunak sendatzeko kare urarekin gargarak egitea agintzen zen. Aipagarria da arrautzak kontserbatzeko erabilera.

Ikus daitekeenez, funtzio ugari betetzen zuen kareak eta ondorioz, Euskal Herri tradizionaleko geografian nonahi azaltzen ziren karobiak. Baina, XX. mendean zehar, abonu kimiko eta porlanaren produkzio industrialarekin lehiatu ezinik, bertan behera utziak izaten hasi ziren, mendearen erdirantz guztiz desagertu arte.

San Justoko karobia berreskuratuz, Gorbeialdeko ondare historiko-kulturalaren ikerketan eta babespenean garautxo bat jartzea bilatzen du Ipizki Taldeak. Abuztuaren 6an eta 7an berriro ikusi ahal izango da kare labea ketan!

KAROBIA PIZTEKO EKITALDIA

Eguna: abuztuaren 6an, larunbatean, San Justo egunean.

Ordua: goizeko 11:00etan, aurten Otzerinmendi auzuneko 9 sukaldarik piztuko dute.

Zer egiten da: karobia egurrez betetzen da, gainean kareharria jartzen zaio eta piztu egiten da. Bertara hurbiltzen den jendeak prestaketa lanetan parte hartzeko aukera izaten du.

Hamaiketakoa: Karobia piztu ondoren, San Justora hurbildu direnen artean hamaiketakoa banatuko da: urdaia, pamitxea, Zeanuriko Iñaki Arraindegiak emandako sardinak, ardoa eta ura.

Informazio gehiago: gurekin harremanetan jartzeko 653016117 / 630927576

www.ipizki.com

San Juston Gorbeialdeko erromeriarik herrikoi eta bitxienetakoa bizitzen da

Auzuneko 9 sukaldariek piztuko dute karobia abuztuaren 6an, goizeko 11:00etan

Abuztuaren 6an, zapatuan, San Justo egunean eta goizeko 11:00etan piztuko dute karobia Zeanuriko Otzerinmendi auzoko 9 sukaldariek, Juan eta Julian Aranaren zuzendaritzapean, eta urteetan zehar ahaztuta eta itzalita egon den ke zuriska San Justoko haritzen artean igoko da Gorbeia mendiaren tontorra bilatuz. Igande eguerdirantz, kare bizia oka egiten hasiko da labe-ahoa.

Aurten, 1996an zaharberritu eta berreskuratu zutenetik —50 urte itzalita egon ondoren— hamaseigarren aldia izango da karobia lanean jartzen duela IPIZKI Taldeak. Pizteko ekitaldiko protagonistak Otzerimendi auzuneko bederatzi sukaldariak izango dira, era horretan auzune honetako bitxikerietako bat ezagutzera eman nahi delarik; izan ere, gutxi izango dira Euskal Herri osoan horrenbeste sukaldari dauzkaten auzuneak zein herriak. Honako hauek dira bederatzi sukaldariak: Gabriel Etxebarria, Antonio Intxaurbe, Juan Mari Beobide, Frantzisko Etxebarria, Iñaki Olibares, Javi eta Maximo Beitia anaiak, eta Fernando eta Alberto Zuluaga anaiak, azken honek Michelin izarra lortu zuen Aretxondo jatetxean lanean egon zenean.

Karobia piztu ondoren, hamaiketakoa egongo da San Justora hurbiltzen diren guztientzat, Iñaki Arraindegiak emanda.

Bestalde, 14:30ean, auzo-bazkaria egingo da San Justuko hariztipean. Bazkari herrikoi horretan edozeinek parte har dezake, baina uztailaren 31 baino lehen izena emanda, honako telefono hauetako batera deituz: 946739250 edo 653016117

Erromeria eta kanpai berria

Hurrengo egunean, abuztuaren 7an, igandean, San Justoko erromeria ospatuko da. 12:00etan meza izango da, baina aurretik, 11:30ean kanpai berria bedeinkatu eta jarriko da ermitaren kanpandorrean, aurtengo udaberrian, bertan egoan kanpaia ostu egin baitzuten.

Kanpai berria Gajano-ko (Kantabria) Portilla anaien tailerrean egina da eta honako idazkiak eramango ditu grabatuta: goiko aldean, Justo eta Pastor santuak eta behekoan, Otzerinmendiko kofradia—2011-VIII-7. Lapurretak direla eta, jaiak amaitu ostean, kanpaia kanpandorretik kendu egingo da, datorren urtera arte.

Mezaren ostean maoidormuak barauskarria —ardao zuria eta gailetak— banatuko ditu jendearen artean eta jarraian paella txapelketa izango da.

Eguraldia lagun eta ohitura jarraituz, asko izango dira da San Justoko hariztipean bazkaltzen geratuko direnak, eta arratsaldean 17:30etik aurrera, bola eta mus txapelketetan parte hartzeko aukera izango dute.

SAN JUSTO JAIAK= OTZERINMENDIN (ZEANURIN)

ABUZTUAREN 6an eta 7an

ZAPATUA, ABUZTUAREN 6a, SAN JUSTO EGUNA

* 11:00etan: * Karobia piztea: Otzerinmendiko 9 sukaldariek piztuko dute, Juan eta Julian Aranaren zuzendaritzapean

* Piztu ondoren, HAMAIKETAKOA, IÑAKI ARRAINDEGIAk emanda

* 14:30ean: AUZO-BAZKARIA

Bazkarian PARTE HARTZEKO, izena eman uztailaren 31 baino lehenago

honako telefono batera deituz: 946739250 edo 653016117

DOMEKA, ABUZTUAREN 7a

* 11:30ean: KANPAI BERRIA bedeinkatzea eta kanpandorrean jartzea

* 12:00etan: MEZA

* Meza ostean, BARAUSKARRIA

* 13:30ean: Paellen aukezpena

* 17:30ean: - Bola txapelketa

- Mus txapelketa

San Justo ta Pastor-en ermita

Jateko tokiak

Tema Fantástico, S.A.. Con la tecnología de Blogger.